جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

لارا إسكندر تفاجئ الجمهور وتضع مولودتها.. وتكشف سبب إخفاء حملها 9 أشهر

السبت 28 نوفمبر 2020 | 01:22 مساءً
ندى عصام
374
لارا اسكندر

فاجأت الفنانة لارا إسكندر، جمهورها بأنها وضعت مولودتها مطلع العام الجاري، ولكنها حرصت على إخفاء ذلك احترامًا لقدسية وجود إنسان صغير يكبر بداخلها.

ونشرت لارا، فيديو من جلسة تصوير كانت قد خضعت لها لصالح مجلة Marie Claire، معلقة عليها عبر حسابها الشخصي على "انستجرام":"2020كانت سنة كلها أحداث غريبة وما كانتش سهلة على ناس كتير، وأنا واحدة منهم.. بس في بدايات السنة اكتشفت إن ربنا بعتلي هدية و نعمة ملأتني بالأمل.. كنت دائمًا عارفة إني مش هأعلن الخبر إلا في الوقت المناسب لأن ما فيش حاجة أكتر قدسية من إن إنسان صغير يكون بيكبر جواك. والوقت المناسب هو دلوقتي".

لارا اسكندر

وأضافت:"مش قادرة أشرح كم المشاعر اللي حاسة بيها. بس ممكن أقول إن قمة السعادة و الفرح (مع شوية تعب و إرهاق) مش تعبيرات كافية لإحساسي دلوقتي، دائما بحاول أشارككم أخباري على قد ما أقدر. بس دائما برضه باحرص على أن تكون في حدود ثابتة لما تكون الأخبار متعلقة بحياتي الشخصية وحياة عائلتي".

وتابعت حديثها:"ودلوقتي وأنا بابدأ حياتي الجديدة كأم، باسألكم إنكم تتفهموا إني هافضل متمسكة بالحدود دي ومتمسكة بخصوصية حياتي وحياة عائلتي. وأتمنى انكم تتمنولنا السعادة في حياتنا الجديدة، أنا مبسوطة جدا إني بشارككم الخبر ده، حتى لو كان متأخر بـ9 شهور".