جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

صلاح عبدالله: بخاف من الحسد على حفيدي وبقرا المعوذتين لما بشوف صورته

الاربعاء 02 ديسمبر 2020 | 12:03 مساءً
ندى عصام
314
صلاح عبدالله

أكد الفنان صلاح عبدالله، خلال حواره مع الإعلامبة لميس الحديد في برنامجها "كلمة أخيرة"، أنه يخاف من الحسد على حفيده "مراد".

وقال عبدالله:"لما بشوف صورته بقرأ المعوذتين ولما اتولد مانزلتش ليه صور نهائي وله صور معايا نفسي أنزلها من حلاوتها بس بخاف من الحسد حتى كارما مابقتش أنزل صورها زي زمان".

وكان الفنان المصري صلاح عبد الله قد كتب قصيدة رثاء لنفسه، قبل وفاته، وطالب جمهوره بقراءتها بعد رحيله.

صلاح عبدالله قال في قصيدة رثائه لنفسه: "لما مت عملتوا إيه؟!.. كان نفسي أشوفكم.. بس ماقدرتش أشوف لأني مت.. بس وحياة ميتينكوا.. والكلام بيني وبينكوا لما مت زعلتوا عليا قد إيه؟.. يوم.. يومين تلاتة بالكتير مش بلومكم دا أنا عايزكوا تعيشوا يومكم.. صدقوني يومين كتير كفايه يوم.. أو 1/2 يوم أو 1/4 يوم أو ربع ساعة فقط لا غير مش مهم".

وأضاف: "المهم لما تشوفوا صورتي أو تيجي سيرتي.. تذكروني.. تذكروني بكل خير.. وحبذا لو كانت الذكرى بدموع.. أو شحتفة أو حشرجة أو نهنهة.. قصدي خلوا الحالة تبدو إنها.. حزن فاق كل الآفاق.. في قلب من ألم الفراق موجوع واعوا تنسوا اذكروا محاسن موتاكم ولو مفيش.. ألفولي حبة محاسن واذكروها.. واكتبوها على صورتي وشيروها".

وتابع: " أو لما تيجي سيرتي اسكتوا.. اسكتوا وغيروا الموضوع.. غيروا الموضوع لأني.. للأسف.. لسه حي.. لسه بهرب م اللي فات.. لسه خايف م اللي جاي".

وأرفق القصيدة بتعليق، على حسابه الخاص على موقع طالفيس بوك"، بقوله: "مِش عايزكوا تليكوا ولا تعلقوا/عايزكوا بس تسيفوها/ ولما ييجي اليوم المنظور/آخر تلات سطور/بعد الفاتحة إحذفوها".