جولولي

اشترك في خدمة الاشعارات لمتابعة آخر الاخبار المحلية و العالمية فور وقوعها.

سوسن بدر تهنئ منى زكي: تستحقي آلاف التكريمات

الخميس 03 ديسمبر 2020 | 02:49 مساءً
سارة إبراهيم
468
سوسن بدر

حرصت الفنانة المصرية سوسن بدر على توجيه تهنئة خاصة للفنانة منى زكي، بعد تكريمها في مهرجان القاهرة السينمائي، ومنحها جائزة فاتن حمامة للتميز.

سوسن بدر نشرت مقطع فيديو من تكريم منى زكي في المهرجان، على حسابها بموقع "انستجرام"، وهنئتها بقولها: "منى زكى الموهوبة والانسانة المحترمة الف مبروك وتستحقى آلاف التكريمات".

وكان قد تم تكريم النجمة المصرية منى زكي في حفل افتتاح الدورة الـ 42 لمهرجان القاهرة السينمائي الدولي، ومنحها جائزة فاتن حمامة للتميز.

وقالت منى في كلمتها: "شرف كبير أوى أوى إنى اتكرم النهاردة في أهم مهرجان في بلدي، النهاردة واقفة على المسرح اللي اتمنين أقف عليه من وأنا عيلة صغيرة، بشكركم أوي".

وتأثرت أثناء حديثها وامتلأت عينيها بالدموع، وقالت: "تكريمي باسم سيدة الشاشة العربية ده حاجة كبيرة بالنسبالي، تشرفت إنى كلمتها قبل كدة في التليفون وعمري ماسمعت صوت بالرقي ده، والحلاوة دي".

وأضافت: "وكمان تكريمي في الدروة الي فيها وحيد حامد، دا شرف مش عادى، كلامه كان دايما بيأثر فيا من صغري، خاصة كلمة أنا هحلم اللي بيقولها الفنان عادل إمام في فيلم "اللعب مع الكبار"، أنا بعمل بيها وأنا بحلم وهفضل أحلم ولسة هحلم".

ووجهت الشكر لكل من عملت معهم أمام الكاميرا وخلف الكاميرا، وعبرت عن سعادتها بعملها في مهنة التمثيل، حيث قالت: "ممتنة إني ممثلة، والتمثيل خلاني أعيش حياة ناس كتير تانية وأحس بيهم، ودي اعظم حاجة ادتهالي شغلتي.. شكرا جدا".

منى زكي